[5]-চুফিজিমত বাদ্যযন্ত্র বনাম অসমীয়া জিকিৰত টোকাৰী-

[5]“এক বৌদ্ধিক চিন্তা”

-চুফিজিমত বাদ্যযন্ত্র বনাম অসমীয়া জিকিৰত টোকাৰী-

………………………………………………………

“One of intellectual thought” [A colanguage Article]

-USE OF MUSICAL INSTRUMENT IN SUFISM vs TOKARI IN ASSAMESE JIKIR-

by:-sogoodislam@gmail.com

……………………………………………………..

[Photo:- Assamese drama ” Saraguri Chapori” written by Mahendra Barthakur.]

আজান ফকীৰ(ৰঃ) চাহাবৰ উদ্দেশ্য আছিল সেই সময়ত কিছুমান ধৰ্মবিৰোধী ৰীতি-নীতিত লিপ্ত থকা মুছলমানসকলৰ মাজত ইছলাম ধৰ্মৰ প্ৰাথমিক ধাৰণাসমূহ আৰু মৌলিক কৰ্তব্যসমূহ যেনে-ঈমান [এক আল্লাহ আৰু হজৰত মহম্মদ(দঃ)প্রেৰিত ৰছুল], নামাজ, ৰোজা, হজ, জাকাত প্ৰচাৰ কৰা।

হাজোত কেইবাবছৰ থাকোতেই আজান ফকীৰে(ৰঃ) অসমীয়া সমাজখন বিশ্লেষণ কৰি দেখিলেযে অসমীয়া বৈষ্ণৱ কাব্যৰ শংকৰদেৱেৰ নৱবৈষ্ণৱ ধৰ্মৰ তত্ত্বৰ লগত ইছলামৰ মূল ধাৰণা সমূহৰ কিছু কিছু মিল আছে। গতিকে তেওঁ(ৰঃ) শংকৰদেৱেৰ নৱবৈষ্ণৱ ধৰ্মৰ তত্ত্ব সমূহ আয়ত্ত কৰি জিকিৰৰ মাধ্যমেৰে ইছলামৰ নিষ্কাম ভক্তি আৰু সেই ধৰ্মৰ বিশেষত্বক গুৰুত্ব আৰোপ কথা চিন্তা কৰিলে । নিৰাকাৰ ঈশ্বৰৰ ধ্যান-ধাৰণা বৈষ্ণৱ কাব্যৰ মূল দৰ্শনৰ দৰে ইছলামৰ মূল দর্শণৰ সংমিশ্রণ ঘটাই লগতে সম্প্রিতিৰ এনাজৰিদালো যাতে ভবিষ্যতলৈওঁ কটকটিয়াহৈ থাকে তাৰ বাবে আজান ফকীৰে(ৰঃ) থলুৱা গীত-মাত,অসমীয়া দেহ বিচাৰ গীত, বৰগীত, লোকগীত সুৰেৰে আৰু ইছলাম দর্শনেৰে জিকিৰ সমূহ ৰচনা কৰাৰ কাম আৰম্ভ কৰিলে। আজান ফকীৰে(ৰঃ) কিন্তু বেছিভাগ জিকিৰ চূণপোৰা গাৱলৈগৈহে ৰচনা কৰিছিল।।

হিন্দু আৰু মুছলমানৰ সাম্প্ৰদায়িক সমন্বয় ক্ষেত্ৰত অসমৰ সমকক্ষ ভাৰতৰ আন কোনো ৰাজ্যই নহয়। প্ৰাচীন সময়ত নিৰ্মিত সত্র, কীৰ্তন ঘৰ, নাম ঘৰ আদিত ইছলামীয় স্থাপত্যশৈলী চকুত পৰে। কীৰ্তন ঘৰ বোৰত গায়ন বায়ন সকলৰ মাজত মুছলমান লোকো আছিল। আজান পীৰৰ জিকিৰ আৰু জাৰিত অসমীয়া নাম কীৰ্তনৰ সুৰ ষ্পষ্টকৈ চকুত পৰে। “হিন্দু কি মুছলমান একে আল্লাৰ ফৰমান” বুলি গোৱা জিকিৰ সমুহ অসমৰ সাম্প্ৰদায়িক সমন্বয়ৰ অতুলনীয় নিদৰ্শন।

আজান ফকীৰে(ৰঃ) অসমৰ সাম্প্ৰদায়িক সমন্বয়ৰ পৰিৱেশত আভিভুত হৈ তেওঁ ইছলাম ধৰ্ম প্ৰচাৰতে ক্ষান্ত নাথাকি সাম্প্ৰদায়িক সমন্বয়ৰ চিহ্ন স্বৰূপ জিকিৰ সমুহ লিখি উলিয়াইছিল। এই জিকিৰ সমুহৰ কিছুমান আছিল হিন্দু ধৰ্মৰ নাম কীৰ্তনৰ সুৰত ৰচিত ধৰ্ম মুলক গীত, যিবোৰে ব্যাপক সমাদৰ লাভ কৰিছিল।

মূলতঃ আজান ফকীৰে(ৰঃ) দুটা কাম কৰিছিল এটা থলুৱা গীত-মাতেৰে জিকিৰ গীতেৰে ইছলামৰ মূল উপাদান সমূহ প্রচাৰ কৰিছিল আৰু দ্বিতীয়তে শংকৰ-মাধবদেৱে গঢ়ি যোৱা সাম্প্ৰদায়িক সমন্বয়ৰ বান্ধোন আৰু বেছি কটকটিয়া কৰিছিল যাতে ই কোনো দিন চিঙি নেযায়। ইয়াৰ প্রমাণ আমি আজিওঁ দেখিবলৈ পাওঁ। ইয়াৰ প্রমাণ আমি অহাবাৰলৈ দিম।……insha Allah…

………………………………………

to be contd. on next sunday-in sha Allah-sgi(s)